قوافل الاوقاف لمحاربة النقاب (المباح من وجهة نظرهم)

السلام عليكم ورحمه الله وبركاته
تعليقاً على الموضوع بتاع مصراوى
دخلت على موقع دار الافتاء ووجدت الفتوى التالية :-

يعنى وزارة الاوقاف رصدت 10 مليون جنية علشان تحارب شيىء فى دائرة المباح (من وجهة نظرهم هما كمان مش من وجهة نظر المتشددين) .... خلاص خلصنا حرب على العرى

والتبرج

والسفور

خلاص خلصنا حرب على الحرام

علشان نبتدى نحارب المباح ...........

Interview what not to wear

السلام عليكم ورحمه الله وبركاته

مرفق لكم ملف به معلومات بسيطة وهامة عن الملابس التى لا يجب الذهاب بها عند اجراء اى مقابلة شخصية للعمل

===================

Interview what not to wear

===================

وكنت قرأتها على موقع

www.multi-skills.com

وعملتها على ملف باور بوينت وأضفت الصور من عندى

هــنــا

جميع المكالمات مسجلة

السلام عليكم ورحمه الله وبركاته

فاكرين لما الشعب الامريكى عرف ان بوش كان عامل تصنت على جميع المكالمات علشان مكافحة الارهاب وخلافه وساعتها كان موضوع كبير قوى فى أمريكا وازاى ينتهك خصوصية الشعب من غير ما يقولهم الخ الخ الخ

انا بقول الكلام ده ليه علشان فى حاجة لفتت نظرى فى قضية هشام طلت مصطفى هى ايه ؟

ألا وهى ان شركة المحمول قدمت جميع المكالمات الخاصة بينه وبين الراجل التانى بمجرد تقديم القضاء طلب لذلك !!!

طيب هما جابوا تسجيل المكالمات ازاى ؟ يعنى هما كانوا متراقبين مثلاً وكانوا عارفين انهم هيتفقوا على جريمة قتل؟ إستحالة طبعاً ... وطبعاً عارفين ليه !!!!

لو حد يعرف يقولى .... بس وقف التسجيل التدوينة خلصت

ليه Non Veiled

هى لو محجبه مش هتعرف تشتغل يعنى ؟

كل واحد صاحب عمل له حق يطلب كفاءة معينة للوظيفة المطلوبة طبعاً

لكن يختار حد تدينه ؟ ده مش ممكن تكون حق صاحب عمل أبداً

يعنى لو هو طالب راجل للوظيفة هيكتب مثلاً

غير ملتحى ولا يترك العمل للذهاب للصلاة

فى ناس كتير فى قلبها حاجات كتير من ناحية الدين
بس مكسوفة تقولها علانية بس بتظهر مهما عملت من طلباتها وتصرفاتها

وكله فى بلد الازهر !!!!

ودى كانت نتيجة الاستفتاء فى الاخر

السلام عليكم ورحمه الله وبركاته

ودى كانت اخرة الاستبيان

لأصوات رفعت صوتها

ولكن

بداخل زجاجة مغلقة

تموت من الضحك

السلام عليكم ورحمه الله وبركاته

ده مش مدير شئون إدارية ده سوبر مان

السلام عليكم ورحمه الله وبركاته

ده اعلان عن وظيفة فى موقع bayt.com

لما شفته استغربت من متطلبات وتوصيف الوظيفة الخاصة بمدير الشئون الإدارية

كوكتيل من شغل الموارد البشرية والتخطيط والمالية وكل حاجة

وتحس ان اللى طالب الموظف ده خلاص هيقول على اسمه كمان

أو هو فاهم الموضوع بصورة واضحة شوية

اتفضل

انا كنت أخدت كورس قبل كده فى المعادى والدكتور اللى كان بيشرح الكورس كان من ضمن المجموعة اللى كانت بتعمل خصخصة للمصرية للاتصالات وكان بيقول أنهم مش عارفين يعنى ايه مثلاً مدير كذا أو رئيس قطاع كذا فى المصرية للاتصالات يعنى بيعمل ايه بالضبط علشان يشوفوا ايه الهيكل والوظائف اللى هما عاوزينها فقالوا خلاص يعملوا خطاب لكل واحد من الموظفين دول يجاوب هو بنفسه عن التوصيف الوظيفى لعمله

وكانت النتيجة ان كتير منهم معرفش يكتب Job description

بتاع الشغلانة اللى هو فيها من 20 او 30 سنة

أنتى جايه أشتغلى ايه ؟

قنابل عن الطلاق فى مصر

السلام عليكم ورحمه الله وبركاته

موضوع عن الطلاق فى مصراوى بس بصراحة قنابل عنقودية ولا فى الخيال .....

***********************

فى مصر حالة طلاق كل 6 دقائق

***********************

فى مصر أعلى نسبة طلاق فى العالم

***********************

فى مصر نسبة الطلاق أعلى من نسبة الزواج

***********************

حالة طلاق في مصر كل 6 دقائق
11/9/2008 4:00:00 AM
القاهرة - محرر مصراوي - أكدت دراسة للجهاز المركزي للتعبئة والإحصاء خلال عام 2007 حدوث حالة طلاق كل 6 دقائق في مصر.
وتضمنت الإحصائيات حدوث 1000 حالة طلاق بسبب عدم إنجاب الذكر وهناك أيضاً 567 ألف حالة طلاق لهذا العام مقابل 48 ألف عقد زواج فيها هذا العام، وهذه تعد كارثة بكل المقاييس علي المجتمع وينجم عنها تشرد الأطفال وانضمام عدد كبير منهم للمتسولين والمجرمين.
و قال عبدالسلام الشيخ ـ رئيس قسم علم النفس بكلية الآداب جامعة طنطا ـ أن ظاهرة الطلاق في مصر بأنه غير متوازن مع حالات الزواج سنوياً، وأشار الشيخ في كلمته خلال الندوة التي أقامها المجلس الأعلى للثقافة، إلي أن الطلاق ظاهرة معقدة ويتم فيها الانفصال الجسدي للزوجين عن طريق نطق الزوج لفظ «إنتي طالق» لزوجته، وبعدها تتعدد المشاكل التي تنعكس بدورها علي المجتمع، وأسوأها التفكك الأسري الذي يؤدي لوجود أطفال مشردين أو علي الأقل معقدين نفسياً.. مما يؤثر في مسألة الانتماء للمجتمع ومن ثم للوطن.
و كانت دراسة خطيرة بمركز معلومات دعم واتخاذ القرار التابع لمجلس الوزراءقد كشفت ان مصر اصبحت الاولى على مستوى العالم فى حالات الطلاق.
وقالت الدراسة ان معدلات الطلاق خلال الخمسين عاما الماضية ارتفعت من 7% الى 40% وان اليوم الواحد يشهد 240 حالة طلاق ليبلغ اجمالى عدد المطلقات فى مصر 2.5 مليون مطلقة.
واشارت الدراسة التى استعانت باحصائيات الجهاز المركزى للتعبئة والاحصاء الى ان 40% من حالات الزواج انتهت بالطلاق.
واضافت الدراسة ان 50% من حالات الطلاق فى مصر تقع خلال السنة الاولى وان معظم المطلقين لم يتعدوا سن الثلاثين.
المصدر : جريدة الدستور + محرر مصراوي

وهحاول أكتب كده شوية حاجات أعتقد انها من أسباب المشكلة بس شوية كده ... آآآآآآآآآآآه

رسوب‏ 120‏ ألف مدرس بامتحانات الكادر

السلام عليكم ورحمه الله وبركاته

ياريت تربط الخبر ده بالموضوع اللى قبله والخاص باقتراح حول راتب إمام المسجد علشان تعرف احنا هنربى ولادنا فين ؟

خبر يوم 6-11-2008
صحيفة: رسوب‏ 120‏ ألف مدرس بامتحانات الكادر.. واعتراضات وانتقادات للنتيجة بالنقابات حفظ
11/6/2008 1:45:00 AM

القاهرة - محرر مصراوي - بلغت نسبة النجاح في امتحانات كادر المعلمين 85 % والتي قاطعها 125 ألف مدرس، ووصل عدد الراسبين الي أكثر من ‏120‏ ألف معلم رسبوا في المواد التخصصية وهو ما يعتبره المعلمون إضرارا بهم داخل مدارسهم وأمام طلابهم بعد رسوبهم في المواد التي يقومون بتدريسها رغم اطلاعهم المستمر مع الموجهين علي آخر تطورات المناهج‏.‏وقد كشفت النتيجة عن العشوائية الشديدة التي تمت بها عمليات تصحيح ورقة الإجابات والتي أيضا لا تقل فضيحتها عن فضيحة تسريب أسئلة امتحانات الثانوية العامة التي جرت وقائعها العام الدراسي الماضي حسبما يرى العديد من المدرسين والمراقبين.
وقد تمثلت مفاجآت نتيجة الكادر في نجاح الكثير من مدرسي مجالات التعليم الصناعي والزراعي الحاصلين على الدبلومات الفنية في مادة التربوي رغم أنهم لم يدرسوها من الأصل، بينما رسب فيها مدرسون تربويون رغم أنها تخصصهم مما يؤكد أن عمليات التصحيح ورصد الدرجات كانت غير دقيقة على الإطلاق وشهدت العديد من المخالفات الرهيبة.
وقالت صحيفة الاهرام فى عددها الصادر الخميس ان مديريات التربية والتعليم والنقابات الفرعية بالمحافظات شهدت تجمعا كبيرا للمعلمين لمناقشة ما أسفرت عنه نتيجة امتحانات كادر المعلمين، وتعد نقابة المعلمين حاليا تقريرا شاملا ومفصلا عن مشكلة الكادر سواء في الامتحانات وطريقة أدائها وأسلوب الأسئلة وإيجاد طرق بديلة لترقية المعلمين من خلال إجراء امتحانات نموذجية يتم إعداد دورات تدريبية للمعلمين عليها‏.‏
وصرح مصدر مسئول بوزارة التربية والتعليم بأن الشكاوي التي وصلت للوزارة عقب إعلان نتيجة الكادر تركزت في دخول بعض المعلمين الامتحانات ولم يجدوا نتائجهم علي الموقع الالكتروني للوزارة أو أدوا الامتحان ومكتوب أمامهم قد تغيبوا وبالتالي كانت النتيجة راسب رغم أنهم أدوا الامتحان أمام لجان محددة وبأرقام الجلوس ومسجلون بهذه اللجان الي جانب أن بعض المدرسين أجابوا إجابات صحيحة مثل باقي زملائهم الا أن النتيجة كانت راسب مما يؤكد أن عمليات التصحيح لم تكن دقيقة وتمت بطريقة عشوائية‏.‏ وفي سياق متصل أعلن الدكتور محمود عابدين، رئيس الأكاديمية، المهنية للمعلمين، أنه سيتم الإعلان عن مواعيد بدء تدريب المعلمين الذين لم يحالفهم الحظ والنجاح لاختبارات المرحلة الثانية للكادر.
وقال إن هناك فرقاً ولجاناً متخصصة بدأت منذ إعلان النتيجة في تحليل النتائج التي أسفرت عنها الاختبارات.
وأشار عابدين إلي أن تلك الفرق ستكون مهمتها تحديد الأخطاء الشائعة في 64 تخصصاً من التخصصات الدراسية بالإضافة إلي المكون التربوي واللغة العربية التي أدي فيه المعلمون الامتحان.
وذكر أنه يجري العمل حالياً لفتح باب التسجيل للمعلمين للتدريب بشكلين مختلفين، أحدهما يجري العمل به لأول مرة وهو التدريب عبر موقع الأكاديمية علي الشبكة الدولية للمعلومات، أو أن يلتحق المعلم بالشكل التقليدي بنظام الدورات التدريبية التي تنظمها الأكاديمية

.المصدر : صحيفة الاهرام ،محرر مصراوى

اقتراح بخصوص رواتب الائمة بالمساجد

السلام عليكم ورحمه الله وبركاته

خبر يوم 30-8-2008 من موقع مصراوى

كشف وزير الاوقاف عن نجاح 2359 داعيا وواعظا فقط فى المسابقة الاخيرة التى اجرتها الوزارة لاختيار أئمة جدد من اجمالى 18400 تقدموا لتلك المسابقة ،
يعنى 18400-2359=16041
يعنى نسبة الرسوب 87.2%
نسبة النجاح 12.8%
موضحا أنه سيتم الاعلان عن مسابقة اخرى لاستكمال العدد المطلوب الذى تعينه الوزارة سنويا وهو 3 الاف داعية ، وأرجع ذلك الى توسع قاعدة المتقدمين لتلك المسابقة من خريجى مختلف الكليات الشرعية والعربية بعد ان كانت مقصورة على كليتى اصول الدين والدعوة الاسلامية ولعدم معرفة المتقدمين بالاسس المطلوبة لعمل الدعاة.

لما عرفت الخبر ده ساعتها مجاش فى دماغى غير واحد وبس وهو إمام مسجد قريب من بيتى والذى يعتبر من أكبر المساجد الموجودة بالمحافظة وانا متأكد من أنه لو تم اختباره فى اى فرع من فروع الدين سوف يرسب وبشكل مهين ؟

فلماذا لا يتم اختبار الائمة الموجودين حالياً بالمساجد فى كل فترة لتقييمهم لان وظيفة الامامة تتطلب ان يكون الامام بشكل دائم مطلوب منه أداء مهام وظيفته فلا يعقل ان يطلب الامام بشكل دائم من أحد المصلين ان ينوب عنه فى الامامة والسبب معروف لانه لا يحفظ ما يستطيع ان يصلى به ولا يعرف أ ب تجويد !!! فكيف لا يملك الموظف أدوات وظيفته ؟ كيف يستحل راتبه اخر الشهر ؟

لماذا لا يتنازل عندما يجد انه قد أصبح غير مناسب لمكانه ؟

واتحدث عن وظيفة الامامة بشكل خاص نظراً لطبيعتها الدينية قبل الدنيوية ؟

اتخرج ازاى ده من الكلية ؟

كيف يتحمل ان يصلى بالناس وهو يعلم ان معظم من خلفه يكرهون امامته ؟

الاختبار للأئمة الحاليين لو نظرت له هو مطلب عادى جدا جدا والكويس هيخاف من ايه ؟ فلو اختبرت اى واحد فى شغله وطلع مبيفهمش حاجة فى شغله يبقى هو اللى غلطان وهو غير مناسب فى موقعه !!! يعنى مينفعش سواق أتوبيس يبقى أعمى !! صح
ومتقولش معلش أصله عنده عيال ورتب حياته انه يبقى فى المكان ده ودخل ولاده المدارس القريبة من المسجد ورتب حياته على كده خلاص !!!

لما الوزارة تختبر إمام المسجد فهى بتفيده مش بتضره هى بتحفزه انه يظل طوال عمره يراجع على القرآن ويحفظ ويتعلم مش يبقى زى اى وظيفة اتخرج من الكلية بعد لما حفظ كلمتين علشان الامتحان وراح كتبهم فى ورقة الاجابة ونجح وبقى إمام مسجد ويظل طول عمره نايم فى الفيلا اللى عملتهالوا وزارة الاوقاف داخل المسجد وشوية شوية ينسى اللى اتعلمه ده لو أصلاً كان فاكر حاجة

ممكن يقسم راتب الامام الى ثلاث أقسام:-

قسم خاص بحفظ القرآن الكريم كاملاً

وده الغالب ان مع أول امتحان نسبة كبيرة جداً من الائمة الحاليين هيتخصم منهم وهيكون حافز للمجيدين منهم انهم يحفظوا ولو مش علشان ربنا يبقى علشان الفلوس وممكن فى أضعف الايمان ان اللى خاتم يأخذ فلوس هذا القسم كله والاقل يأخذ أقل وهكذا ويخصم كله من التعبان خالص

قسم خاص بالخطابة والنواحى الشرعية الاخرى
كافة فروع العلم عدا التجويد

قسم خاص بالاشراف على المسجد من النواحى الادارية
زيارات مفاجئة من الاوقاف على المسجد وخلافه وأحب أوضح ان امام عينى حدث الموقف التالى بنفس المسجد المذكور :-
حضر مفتش من وزارة الاوقاف بين الاذان والاقامة فى صلاة العشاء ودخل وأشار للامام من بعيد بالحضور اليه ثم جلس على مقربة منى وطلب من الامام ان يحضر الدفتر ويحضر كل العاملين بالمسجد علشان يعرف مين اللى حاضر من اللى مزوغ وفوجئت بحضور واحد لابس جلابيه كده وعرفه امام المسجد انه عامل بالمسجد تعرفوا ده مين بتاع محل الخضار اللى جنب المسجد !!!
فحتى عند وجود المفتش ووجود الخطأ لم يكتشف لان الدفتر بالاسماء فقط مش بالصور للعاملين وكمان إمام ..........ربنا يهديه ...

وأنت ايه رأيك فى الثلاث أقسام دى ؟

كوكو واى

السلام عليكم ورحمه الله وبركاته

يفط كتير قوى بنشوفها بها اخطاء إملائية ومتعرفش مين اللى غلطان

هل هو صاحب اليافطة اللى أصر على كتابة الحروف بالشكل ده ؟

ولا صاحب مكتب الدعاية والاعلان معندوش فكرة عن العربى ؟

المهم اللى لفت نظرى فى اليافطة دى هو

انها شيك وشكلها حلو

بس ربنا يسامحه بقى اللى كتب الكلام اللى تحت اليافطة

والحلو ميكملش

فكرة ممتازة

السلام عليكم ورحمه الله وبركاته

http://www.albasira.net/cms/play.php?catsmktba=1454

فكرة ممتازة لمحاولة توفير متبرعين بالدم فى كل مسجد

بصوت الشيخ أحمد النقيب

تصويت عن النظام المالى الجديد بموقع الجزيرة

السلام عليكم ورحمه الله وبركاته

يوجد الآن تصويت على موقع قناة الجزيرة عنوانه:-

بعد تفجر الازمة المالية العالمية، أى الانظمة المالية تعتقد انها الافضل لاتباعها فى العالم:-

النظام المالى الرأسمالى

النظام المالى الاشتراكى

النظام المالى الاسلامى

واجمالى من قاموا بالتصويت حتى الآن 9873

والنتيجة حتى الآن بنفس الترتيب السابق

5.2%

6.5%

88.4%

ولكن يبقى السؤال هل تسير الحكومات طبقاً لاراء الشعوب ؟

وهل سيغير رأيه من أفتى بأن فوائد البنوك ليست من الربا ؟

ومن سيكون مسؤلا عن تطبيق الفكر المالى الاسلامى ؟

وملحوظة هامة جداً وهى انه يجب لتطبيق الفكر المالى الاسلامى ان تحميه وتدعمه الدولة التى يطبق بها

والا فسيكون تطبيقه وهمياً

وعليكم بالتجربة وأظن ان ده وقته !!!

وربنا أعلم بخلقه ... مش كده برضوا

كم مرة ذكر محمد صلى الله عليه وسلم بالقرآن ؟

الآيات التى ذكر فيها اسم النبى محمد صلى الله عليه وسلم (تصريحاً) فى القرآن الكريم

ولادة زرافة

لحظة ولادة تم تصويرها بحديقة الحيوان لزرافة ،،، سبحان الله

اسم النبى محمد صلى الله عليه وسلم (كاملاً)

هل تعرف اسم النبى محمد صلى الله عليه وسلم ؟

قمت بفضل الله تعالى بتصميم هذا الفيديو للتذكرة باسم النبى صلى الله عليه وسلم

وفكرت ان اقوم بعمل فيديو صغير ببرنامج يوليدفيديو ستديو بدلا من ذكر ذلك كتابة

وحتى يكون سهل التداول واتمنى ان أكون وفقت فى ذلك ؟

وحاليا أقوم بعمل فيديو اخر فانتظروه ان شاء الله

موضوع الحجب نشر على موقع مصراوى

http://www.masrawy.com/News/Egypt/Politics/2008/september/12/facebook.aspx

اللى قلقنى ان الموضوع نازل تحت تبويب ( سياسة - مصر )
هو الموضوع سياسى ولا ايه ؟

مائة نصيحة لرمضان

السلام عليكم ورحمه الله وبركاته

مائة نصيحة لرمضان - تقديم الشيخ محمد حسين يعقوب

مقالة جميلة

السلام عليكم ورحمه الله وبركاته

أعجبتنى جداً هذه الكلمات للدكتور محمد العريفى من موقع طريق الاسلام

بسم الله الرحمن الرحيم
الحمد لله رب العالمين والصلاة والسلام على أشرف المرسلين سيدنا ونبينا محمد عليه أفضل صلاة و أتم تسليم

إن من أعظم صفات أهل الجنة هي أن وظيفة أحدهم الأساسية في هذه الحياة هي عبادة الله .. والدعوة إليه .. والعمل لهذا الدين .. ونصح الناس .. والأمر بالمعروف والنهي عن المنكر .. وبصراحة .. بعض الناس إذا سمع الحديث حول الدعوة إلي الله .. ظن أن الدعوة مقصورة على من أعفي لحيته و أقصر ثوبه .. ثم قال لك : أنا أحلق لحيتي .. و أسبل ثوبي .. وأدخن.. وجعل هذه الأمور حائلاً بينه وبين الدعوة إلي الله تعالي ونصح المقصرين .. وهذا خطأ من وساوس الشياطين .

نعم لا أنكر أن الأصل في الداعية أن يكون مستقيماً مطبقاً لما يدعو إليه .. ولكن لا يعني هذا أن يترك الرجل الطاعات بسبب وقوعه في بعض المعاصي .. ولعل تلك المعاصي أن تغوص في بحر الحسنات .

بل قد يستطيع المقصر أن يصل إلي أشخاص لن يصلهم الداعية المستقيم .. فأنت وإن كنت مقصراً إلا أنك تستطيع أن تدعو تارك الصلاة إلي أن يصلي .. فترك الصلاة كفر .. أنت تستطيع أن تنصح من يقع في الفواحش أن يتوب منها .. تنصح من يتعرض لأعراض المسلمين بأن يكف عن ذلك .

بل قد يجالس الداعية المستقيم بعض الناس ولا يعلم أنهم يأكلون الربا .. أو يقعون في الفواحش .. أو يتركون الصلاة .. لأنهم يتظاهرون بالخير أمام الصالحين .. أما من رأوه مثلهم فلا يتصنعون أمامه بشيء .. بل يكشفون أمامه أوراقهم .. ويظهرون كل شئ .. أما كيف تنصحهم وتدعوه .. فهذا يكون بأساليب شتى .. كإهداء الأشرطة النافعة إليهم .. ودعوة بعض الدعاة إلى مجالسكم أحيانا ً.. والنصيحة الفردية لهم .. وغير ذلك .. ولا تقل أنا غير ملتزم فكيف أدعو وأنصح ؟! .. فإن وظيفة الدعوة إلى الله وظيفة ربانية واسعة .. كثيرة الأساليب لا تزال تحتاج إلى عاملين .. وكلنا ذوو خطأ .. وكل ابن آدم خطاء ..

ولو لم يعظ في الناس من هو مذنب فمن يعظ العاصين بعد محمد - صلى الله عليه وسلم؟!

وقال أحد الشيوخ :
خرجت من المسجد يوماً فجاءني شاب عليه آثار المعصية .. وقد اسودت شفتاه من كثرة التدخين .. فعجبت لما رأيته .. ماذا يريد .. فلما سلم على قال : يا شيخ أنتم تجمعون أموالاً لبناء مسجد أليس كذلك ؟؟ فقلت : بلي .. فناولني ظرفاً مغلفاً وقال : هذا مال جمعته من أمي وأخواني وبعض المعارف .. ثم ذهب .. ففتحت الظرف فإذا فيه خمسة آلاف ريال .. وأنفق هذا المال في بناء المسجد .. واليوم لا يذكر الله في ذلك المسجد ذاكر .. ولا يتلو القرآن قارئ .. ولا يصلي مصل .. إلا وكان في ميزان ذاك الشاب مثل أجره .. فهنيئاً له .. ولو أن الشاب استسلم لتخذيل الشيطان وقال : أنا عاص .. فإذا تبت بدأت أخدم الدين وأبني المساجد .. لفاته أجر عظيم ..

وقد قال صلي الله عليه وسلم : « من دعا إلى هدى كان له من الأجر مثل أجور من تبعه لا ينقص ذلك من أجورهم شيئاً » رواه مسلم .

وقال أحد الشيوخ :
أعرف أثنين من الشباب المقصرين - يهديهم الله - هما منذ سنوات إذا أقبل شهر رمضان أو موسم الحج ركبا سيارة وأخذا معهما أدوات خاصة بإصلاح أعطال السباكة والكهرباء .. ثم توجها إلي مكة .. ومرا على جميع دورات المياه التي في طريق الحجاج والمعتمرين و أصلحا أعطالها .. خدمة لإخوانهم المسلمين .. ولا أحد يعرف ذلك عنهما ..

وقال أحد الدعاة :
طرق علي الباب في آخر الليل .. فخرجت فزعاً فإذا شابُ عليه آثار التقصير والمعصية .. فسألته ماذا تريد ؟! .. فقال : معي في السيارة إثنان من العمال الهنود أسلما على يدي وقد أحضرتهما إليك لتلقنهما الشهادة وتجيب عن أسئلتهما .. !! فقلت .. كيف دعوتهما ؟ .. فقال : لا زلت أتابعهما بالكتب و الأشرطة حتى أسلما ..

- وحدثني أحد العاملين فى مكتب للدعوة والإرشاد أن شابا ًمدخناً وعنده معاصٍ أخرى ، ومع ذلك فإن هذا الشاب إذا أقبل رمضان جمع تبرعات من التجار ثم اشترى الآف الأشرطة وحملها إلى مكاتب الدعوة لتوزيعها خلال نشاطاتهم في رمضان ، طالما اشتكي العاملون في مكاتب الدعوة والإرشاد من قلة المتعاونين معهم ، يقسم لي أحدهم : أن بعض العمال الكفار ليس بينه وبين الإسلام إلا أن يتفرغ له شخص أسبوعاً أو أسبوعين يأتي به إلي مكتب الدعوة لحضور المحاضرات ، ولا يجد المكتب متعاوناً يهتم بمثل هذا .

بل كم من خادمة كافرة ما نشط أصحابها في دعوتها ولا أهدوا لها كتاباً ولا شريطاً عن الإسلام ، فبقيت على كفرها ، وكم من شاب فاجأه الموت وهو تارك للصلاة أو مقيم على كبيرة من الكبائر لأن الدعاة ما استطاعوا الوصول إليه ، وأصحابه ما نشطوا في نصيحته .

وكم من فتاة ترى زميلاتها في المدرسة يتبادلن الصور والأشرطة المحرمة بل وأرقام الهواتف المشبوهة ومع ذلك إذا طالبناها بنصيحتهن قالت : أنا احتاج إلي من ينصحني أنا مقصرة ، إذا أصبحت ملتزمة نصحتهن .. عجباً .

ما أسعد الشيطان بسماع هذه الكلمات ..

كيف دخل الإسلام إلي أفريقيا والهند والصين !! حتى صار في الهند مائة مليون مسلم، وفي الصين قريباً من ذلك .. من دعا هؤلاء ؟؟

إنهم أقوام من عامة الناس ليسوا طلبة علم ولا أئمة مساجد ولا تخرجوا من كليات شرعية أقوام ذهبوا للتجارة فدعوا الناس فأسلموا على أيديهم .. فخرج من هؤلاء المسلمين الهنود والصينيين والأفارقة علماء ودعاة .. وأجر هدايتهم لأولئك التجار .

لقد سألت مراراً عدداً من العمال الكفار الذين في محطات البنزين أقول لأحدهم : منذ متى وأنت في هذه البلاد فيقول : منذ خمس سنوات وسبع سنوات .. فأقول : هل أعطاك أحد شريطاً أو كتاباً عن الإسلام منذ جئت إلى هنا ؟! فيعتصر قلبي بقوله : لا .. كل الناس يملئون سياراتهم بالوقود ويذهبون ..

يا أخي قد تكون مقصراً .. بل قد تستمع إلى الأغاني وقد تدخن وقد تقع فى المعاصي ولكن أنت مسلم أولاً و أخيراً ...

وقد قال لك النبي صلى الله عليه وسلم : « بلغوا عنى ولو آية ... »

.. أفلا تحفظ آية فتبلغها .

إن توزيع الأشرطة ونشر الكتب وتوزيع بطاقات الأذكار أمور لا تحتاج إلى علم .. من منا إذا سافر أخذ معه مجوعة من الأشرطة النافعة ثم إذا وقف في محطة وقود وضع في البقالة بعضها ، والبعض الآخر في مسجد المحطة أو وزعها على السيارات الواقفة .. الناس في الطريق لابد أن يستمعوا إلى أي شئ فكن معيناً لهم على سماع الذكر والخير ..

من منا إذا رأى كتاباً نافعاً اشترى منه كمية ووزعها في مسجده أو أهداها لزملائه في العمل أو طلابه في المدرسة ..

وأنا بكلامي هذا لا أسوغ الوقوع في المعاصي أو أجد العذر لأصحابها .... ولكن ذكرّ إن نفعت الذكري ولا ينبغي أن تحول المعصية بين صاحبها وبين خدمة هذا الدين ..

قصة أبو محجن الثقفي

أبو محجن الثقفي رضى الله عنه رجل من المسلمين كان قد ابتلى بشرب الخمر وطالما عوقب عليها ويعود ويعاقب ويعود .. بل كان من شدة تعلقه بالخمر يوصى ولده ويقول :

إذا مت فادفني إلي جنب كرمة		ترمي عظامي بعد موتي عروقها
ولا تدفنني في الفلاة فإننــــــي		أخاف إذا ما مت أن لا أذوقهــــــا

فلما تداعى المسلمون للخروج لقتال الفرس في معركة القادسية خرج معهم أبو محجن الثقفي رضى الله عنه وحمل زاده ومتاعه ولم ينس أن يحمل خمراً دسها بين متاعه فلما وصلوا القادسية طلب رستم مقابلة سعد بن أبى وقاص رضى الله عنه قائد المسلمين ، وبدأت المراسلات بين الجيشين ، عندها وسوس الشيطان لأبى محجن رضى الله عنه فاختبأ في مكان بعيد وشرب الخمر ، فلما علم به سعد بن أبي وقاص رضى الله عنه غضب عليه وحرمه من دخول القتال ثم أمر به فقيد بالسلاسل وأغلق عليه في خيمة .

فلما أبتدأ القتال وسمع أبي محجن صهيل الخيول وصيحات الأبطال لم يطق أن يصبر على القيد واشتاق إلي الشهادة بل اشتاق إلى خدمة هذا الدين وبذل روحه لله تعالي .. نعم .. وإن كان عاصياً .. وإن كان مدمن خمر .. إلا أنه مسلم يحب الله ورسوله فأخذ يتحسر على حاله ويترنم قائلاً :

كفى حزناً أن تدحم الخيل بالقنى		وأترك مشدوداً علـــــــي وثاقيــا
إذا قمت عناني الحديد وغلقــت		مصاريع من دوني تصم المناديا
وقد كنت ذا مال كثيـــــر وأخوة		وقد تركوني مفرداً لا أخا ليـــــــا
فلله عهد لا أحيــــــف بعهــــده		لإن فرجت ألا أزور الحوانيــــــا

ثم أخذ ينادي بأعلى صوته ..

فأجابته إمراة سعد : ماذا تريد ؟؟

فقال : فكي القيد من رجلي وأعطني البلقاء فرس سعد فأقاتل فإن رزقني الله الشهادة فهو ما أريد وإن بقيت فلك عهد الله وميثاقه أن أرجع حتى تضعى القيد في قدمي .. وأخذ يرجوها ويناشدها حتى فكت قيده وأعطته البلقاء فلبس درعه وغطى وجهه بالمغفر ثم قفز كالأسد على ظهر الفرس وألقى نفسه بين الكفار يدافع عن هذا الدين ويحامي ..

علق نفسه بالآخرة ولم يفلح إبليس في تثبيطه عن خدمة هذا الدين ... حمل على القوم يلعب برقابهم بين الصفين برمحه وسلاحه .. تعجب الناس منه وهم لا يعرفونه ولم يروه في النهار .. ومضى أبو محجن يقاتل ويبذل روحه رخيصة في ذات الله ... نعم مضى أبو محجن ..

أما سعد بن أبي وقاص فقد كانت به قروح في فخذيه فلم ينزل ساحة القتال .. لكنه كان يراقب القتال من بعيد ، فلما رأى أبا محجن عجب من قوة قتاله .. وقال : الضرب ضرب أبي محجن والكركر البلقاء .. وأبو محجن في القيد والبلقاء في الحبس !! فلما انتهي القتال عاد أبو محجن إلى سجنه ووضع رجله في القيد ونزل سعد فوجد فرسه يعرق فقال : ما هذا ؟ فذكروا له قصة أبي محجن فرضى عنه وأطلقه وقال : والله لا جلدتك في الخمر أبداً . فقال أبو محجن : وأنا والله
لا شربت الخمر أبداً ...
رضى الله عنهم .....

هيكل عظمى يسوق موتوسيكل

السلام عليكم ورحمه الله وبركاته

فيديو كاميرا خفية عبارة عن
موتوسيكل يسوقه هيكل عظمى
ويظهر للناس وواحد بيتكلم فى ميكروفون من بعيد علشان الناس تفتكر ان الهيكل العظمى هو اللى بيتكلم
وشوف انت الباقى

وقوع من المرجيحة

طفى حريقة

السلام عليكم ورحمه الله وبركاته

الإدارة علم ولا فن ولا طفى حريقة

كنت بشتغل زمان فى شركة ( مبيعات )وكان فى كلمة دايما على لسان صاحبها لما يلاقى تخبط وعدم تخطيط فى اى قرار يتعلق بالعمل كان يقول
شغل طفى حريقة ده مبحبوش
وكان بيقول لازم تتصرف قبل الحريقة مش لما العملية تولع تفضل تفكر تجرى من هنا ولا من هنا ولا تطفيها ازاى وتفضل نايم تشخر ومتقومش من مكانك الا لما تسمع انذار الحريق وكان يصر ان يبقى فيه برنامج للاسبوع بالنسبة لزيارة العملاء وبرنامج لفتح سوق مع عملاء جدد ومراجعة عملاء قدامى وبرنامج اخر للصيانة الدورية وكل شيىء يبقى مكتوب ويدخل واحد واحد من العاملين يناقش برنامجه معاه ويتراجع بمنتهى الدقة وكانت شركة صغيرة مش متوسطة كمان بس صاحبها كان بيشتغل فى شركات كبيرة وكان مخه فيه سيستم للشغل .....

افتكرت كل ده لما سمعت عن حريق مجلس الشورى حسيت فعلاً اننا عندنا تخلف إدارى بشكل لافت للنظر ومحدش يقدر ينكره والتخلف ده موجود على مستوى الفرد اللى هو انا وانت وعلى مستوى المجتمع ومؤسساته ..


لما كنت فى كلية تجارة جامعة حلوان كان عندنا دكتور اسمه على حلوة وكان دايماً يقول مشكلة مصر فى الادارة


كل لما يحصلى موقف على المستوى الشخصى وأسيىء التصرف إدارياً افتكر كلامه علطول ........

يعنى بافتراض ان فيه اتنين مرتبهم واحد ومسئولياتهم واحدة وهما الاتنين فلوسهم حلال علشان تبقى بركتها واحدة ماشى، واحد فيهم مرتبه بيكفيه لاخر الشهر وواحد تانى بيكفيه لحد 15 منه طب تفتكر ليه؟ أكيد واحد فيهم إدارجى لو عاوز يخرج مثلاً هو والعيله بيعمل حسابه يصحى بدرى شوية يفطر فى بيته براحته ويركب اوتوبيس بدل ما يركب تاكسى بالشيىء الفلانى والتانى نايم كسلان بيصحى جرى فى جرى بيركب تاكسى ويفطر تيك اواى (وخلى بالك من هوهو) وحاجات كتير لاحظها كده فى نفسك وانت تعرف، بجد فكر كده هتلاقينا ملخبطين فى حاجات كتير وقليل فينا قوى اللى بيعرف يخطط ويدبر ولو لاقيته بتلاقيه دايما محل تقدير واحترام من كل اللى حواليه ودايما يسأل ويترجع ليه لما تكون تايه ومش عارف تفكر !!!

طيب بص انت فكرت فى بيتك انت مستوى الامان عندك ايه ؟ أنبوبة بوتجاز سخان فيش كهرباء دفاية مروحة الخ الخ الخ بالله عليك فكرت فيها ؟ ولا مستنى تطفى حريقة ؟ احنا كده ايوه احنا كده !!! ياعم ربنا يستر مش كده ان شاء الله مش هيحصل حاجة

تفتكروا لما واحد فينا يمسك إدارة مبنى مهم زى ده هيعمل فيه ايه ؟؟؟
طيب نفكر كده مع بعض بشويش

1- المبنى ده قيمته المادية والتاريخية صغيرة ولا كبيرة ؟ كبيرة جداً طبعاً
بالنسبة للمادية مبنى بيدخله وزراء والذى منه لازم يكون أثاثه وتجهيزاته وتكيفاته وحماماته وسمعياته وبصرياته وأرضياته وسقفياته فخمياته فخمياته فخمياته صح
وبالنسبة للتاريخية فاللى عرفته انه مبنى من أيام الملك فاروق أيام الجنية الجبس زى ما بيقولوا
أكد عبد الله العطار مستشار المجلس الاعلى للاثار لشئون الاثار الاسلامية ان مبنى مجلس الشورى الذى تعرض للحريق يعد أثرا إسلاميا حيث انه مسجل ضمن الاثار الاسلامية بقرار رئيس مجلس الوزراء رقم 910 لسنة 1987 ويخضع المبنى لقانون 117 لسنة 1983 الخاص بحماية الاثار .واضاف العطار فى تصريح له الى أن مبنى مجلس الشورى يعد تحفة معمارية ذات عمارة اسلامية متميزة و زخارف وعناصر معمارية بديعة. وأشار إلى أن مبنى مجلس الشورى عقب تسجيله اثرا اسلاميا خضع لخطة ترميم معمارى دقيق وسجل تسجيلا اثريا ومعماريا وفنيا دقيقا بمركز تسجيل الاثار التابع للمجلس الاعلى للاثار ، موضحا ان امكانية خضوع المبنى بعد الحريق للترميم مسألة ممكنة فنيا .

2- هل يوجد تأمين أمنى للمبنى من الخارج ضد السرقة والمتطفلين والمتظاهرين وغيره ؟ بالطبع الاجابه معروفة ترسانة يا أستاذ وهو ده مستوى تفكيرنا أمن مستتب وخلاص

3- هل يوجد تأمين للمبنى من الداخل ضد الحريق مثلاً ؟ هذا ما كشف عنه الحريق وكان منتهى التخلف عدم وجود أجهزة انذار او أجهزة إطفاء آلى او أى حاجة من دى ولو كانت موجود مشتغلتش ليه ؟ ولا هتبقى من نفس توكيل طفايات الحريق المضروبة اللى تشتريها غصب عنك ولما تتزنق فى يوم وتلاقى حريقة تيجى تستعملها تلاقيها فالصو .. بالرغم من انه بيدخله وزراء ورجال اعمال وناس كبيرة وبتفهم يعنى لو مش خايفين على المبنى اهو يخافوا على نفسهم بس برضوا محدش ليه دعوة وانا مالى يكش يولع ... اهو ولع يا اخويا

4- الجملة دى اخدتها من على موقع الجزيرة "يذكر أن من أشهر الحرائق التي شهدتها مصر هي حريق مكتبة الإسكندرية وحريق دار الأوبرا وحريق قصر ثقافة بني سويف الذي راح ضحيته 29 شخصا" محدش أخد باله ان اى مبنى معرض للحريق ومش معصوم ولا حاجة من المصايب اللى قبل كده


5- أدخل بقى على مبانى تماثله فى الاهمية أو أقل شوية مثلاً مبنى الارشاد والمتحكم فى قناة السويس مجلس الشعب اللى جنب مجلس الشورى وزارة كذا ووزارة كذا الجمارك المطارات الفنادق مجمع التحرير مديريات الامن والسجون مول سيتى موت وغيره وغيره نظامها ايه طيب بلاش المدارس اللى مكدسة بالعيال وكلها كراسى ودكك خشب فى خشب ايه نظامها الواحد بيخاف يدخل اى مبنى كبير مقفول من اللى بيشوفوه

احنا مبنفكرش فى المصيبة الا لما تحصل وده ليه ؟
معندناش عقاب عادل يطبق على الكل ايا كان وظيفة المسئول
وثانيا معندناش فهم مناسب للازمات والطوارىء الجهل بعيد عنك
ثالثا سلبية واناملية مطلقة وغياب ضمير رهيب

رابعا مين احنا ومين هما ومين هى دول العالم الرابع

6- ستة ايه ياعم انا زهقت كل ده موضوع وبعدين انت مالك بالكلام ده

.

.

.

.

.

.

يكش تولع
سلام

صورة واقعية

السلام عليكم ورحمه الله وبركاته

كان فيه موضوع قبل كده عن البناطيل الساقطة وبعدين لقيت الصورة المعبرة دى فقلت اعملها موضوع منفصل علشان تاخد حقها لان الموضوع قديم شوية ومحدش هيشوفها لو زودتها هناك

فيديو عن الشيعة رهيب

دكتوراه وزمالة فخرية بس من جامعة مزورة

السلام عليكم ورحمه الله وبركاته

خبر من مصراوى بتاريخ 16-8-2008 عن الشهادات المزورة الصادرة من جامعات ومعاهد أمريكية وانا اخدت صورة من الموقع بتاع الجريدة الامريكية لاسماء المصريين يمكن يكون فيهم دكتور بيعالج حد فينا ولا مهندس بيبنى لحد فينا عمارة ولا ولا ولا ومين عارف ربنا يستر

صحيفة أمريكية: 10 آلاف شخص بينهم 13 مصريا اشتروا شهادات اكاديمية من جامعات أمريكية 8/16/2008 7:49:00 AM
القاهرة- نشرت صحيفة الكترونية اميركية عبر موقعها الالكتروني قائمة تضم اسماء نحو 10 آلاف شخص من جنسيات مختلفة، ومن ضمنهم 13 مصريا قالت انهم مدرجون في قائمة سوداء لدى وزارة العدل الاميركية باعتبارهم قد اشتروا شهادات دراسية من جهات اكاديمية اميركية غير معتمدة وغير معترف بها.
وهي الجهات التي تعمل بطريقة غير قانونية في مجال "تجارة الشهادات الدراسية"، اذ انها "تبيع" تلك الشهادات للراغبين في الحصول عليها دون دراسة فعلية.
ووفقا لقائمة الاسماء وبحسب صحيفة الراي العام الكويتية فإنهم اشتروا شهادات ماجستير و دكتوراه وبكالوريوس والديبلوما في تخصصات ومجالات متنوعة.
وتشتمل القائمة على اسماء 69 شخصا من السعودية و68 من الامارات و13 من سلطنة عمان و12 من البحرين و4 من قطر بالاضافة إلى 15 من الكويت و14 من لبنان و2 من كل من اليمن وسورية والسودان.
ومن المتوقع ان تضاف اسماء جديدة إلى تلك القائمة لاحقا وفقا لما يتم الكشف عنه من خلال التحريات والتحقيقات التي تقوم بها السلطات الفيديرالية الاميركية حاليا في اطار قضية كانت اثيرت قبل بضعة اسابيع عندما تم الكشف عن شبكة متخصصة في بيع الشهادات الدراسية المزيفة وهي الشبكة التي اتضح انها كانت تتستر وراء ستار "الدراسة عن بعد"..
وان القائمين عليها تمكنوا من خلال التواطؤ مع موظفين فيديراليين في جامعات وكليات ومعاهد اميركية من الحصول على شهادات دكتوراه وماجستير وبكالوريوس تحمل اختام تلك المؤسسات التعليمية ثم قاموا ببيع تلك الشهادات المزيفة لعشرات الالاف من الاشخاص حول العالم.
ونوهت الصحيفة الالكترونية الاميركية إلى ان التقديرات الاولية تشير إلى ان اجمالي المبالغ المالية التي دفعها من وردت اسماؤهم في تلك القائمة يصــــــل إلى نحو 7.3 مليون دولار اميركي، وهـــــي المبالغ التي تم دفعها في مقابل الحصول على تلك الشهادات التي تعتبر مزيفة.
المصدر: الرأي العام الكويتية

اللى يوصل لمعلومات عن اى حد فيهم ياريت يفيدنى

لحم هوهو و حمير

السلام عليكم ورحمه الله وبركاته
الموضوع ده علشان نبقى عمليين وواقعيين !

نعم ممكن اى واحد فينا يحصله !

يأكل لحم .... حمير أو كلاب او اى حاجة تانية الله أعلم

كيف تعرف لحم الحمير؟

وسائل التعرف على لحوم الحمير :-

توضيح من الدكتور حامد سماحة رئيس الهيئة العامة للخدمات البيطرية عند فضح الجزارين يوم 13-3-2008 فى برنامج العاشرة مساءاً

1. 
   
   ان عضلاتها تكون رفيعة للغاية وليست سميكة مثل الابقار والجاموس


2. 
   
   اضافة الى ان لونها يكون داكنا و لو تعرضت للهواء يتحول لونها الى ما يشبه صدأ النحاس


3. 
   
   أما لو تم طبخها فيكون طعمها (مسكر )


4. 
   
   وتبدو مرقتها وكأن بها بقع دهنية واذا ما تم لمس هذه الدهون فيشعر المرء وكأنه غمس يده في زيت


5. 
   
   بالاضافة للشكل العام للحيوان المذبوح


6. 
   
   اما اذا تم طبخها بالفعل او فرمها فلن يتم التعرف عليها بالفحص الظاهرى الا لو اخذ منها عينة للتحليل

وقال إن الطريقة الوحيدة لضمان الحصول على لحم سليم طبيا وصحيا هو محلات الجزارة الموثوق فيها تماماوالمعروف مصدرها تماما وعليها كافة اختام السلخانة بما يدل على ذبحها والكشف عليها والتأكد من سلامتها.

البند الاول والثالث والرابع ممكن يكون فيهم صعوبة شوية لان الاول يتعلق بشكل العضلات ودى الجزار مش هيخليك تقف تتفرج كده وتبحلق فى اللحمة اما الثالث والرابع فالطعم مقدور عليه بالبهارات والذى منه..

اما بخصوص البند الثانى فأعتقد انه واضح يعنى فعلاً لون اللحم البقرى والجاموسى بيبقى احمر داكن اما بنى او نحاسى ده فتعرف انه هوهوهوهو

البند الخامس وده يبقى واضح لو الذبيحة معلقة بكاملها ودلوقتى ابتديت أفهم ليه الجزار بيسيب ذيل الجاموسة كما هو متصل باللحمة وبيرميه فى الآخر بعد لما يخلص بيع اللحمة، علشان يبقى دليل ان ديه لحم جاموسى مش هوهو

البند سادسا ده مصيبة سوده سوده يتلخص فى كلمة حوواشى هوهو .... لما واحد يلاقى مكتوب على فاترينة حوواشى ان السندوتش بنص جنية طيب تفتكر اللى هياكل السندوتش ده مفكرش هو اللحمة بتاعتوا من ايه ؟ مهو أكيد عارف انها هوهو بس هو فقير وعاوز حاجة تسد جوعه وخلاص وهى موته ولا اكتر ... انا عن نفسى مفتكرش انى أكلت حوواشى من بره البيت ولا هكلها

طيب ومحلات الكباب ؟ هتقولى دول بيبعيوا السندوتش غالى وبيكسبوا كويس فايه اللى هيخليه يجيب لحم هوهو؟ أقولك الجشع ياأخى والبحر يحب الزيادة...

انا قرفان جداً من السيرة دى بس هنعمل ايه لازم تحاول تبقى صاحى شوية وتتعرف على وسائل النصب علشان تتجنبها واحساس داخلى كده ان الستة بنود دى ممكن فبركتها وربنا يستر علينا ....

الا ايه اللى فكرنى بالموضوع ده من يوم 13-3-2008 حتى الآن

شوف الخبر ده وانت تعرف:-

المصدر موقع مصراوى نقلاً عن جريدة البديل

وزارة الزراعة تصدر 7300 قطعة جلد حمير للصين أغسطس/9/2008 10:14:00 PM
القاهرة- وافقت الهيئة العامة للخدمات البيطرية، التابعة لوزارة الزراعة، علي تصدير 7 آلاف و300 قطعة جلد حمار خلال 3 أشهر، ووافقت الهيئة علي تصدير 4600 قطعة جلد حمار أخري في أقل من شهر.
وقال خطاب موجه من رئيس الإدارة المركزية للحجر البيطري والفحوص إلي مدير عام الإدارة العامة للحجر البيطري: "نحيطكم علماً بأنه قد صدرت الموافقات لتصدير جلد حمير من شركة «الحجاز» إلي الصين".
وكشف الخطاب عن تصدير 7300 قطعة جلد حمار خلال 3 أشهر، ففي 6 مارس 2008 وافقت الهيئة العامة للخدمات البيطرية التابعة لوزارة الزراعة علي تصدير 2300 قطعة جلد حمير، وفي 1 أبريل الماضي وافقت الهيئة علي تصدير 2300 قطعة جلد حمار أخري، وأكد الخطاب أن الهيئة أصدرت موافقة ثالثة رقم 484 لنفس الشركة في 21 يناير 2008 لتصدير 2700 قطعة جلد حمار.
من جانبه قال الدكتور حامد سماحة، رئيس الهيئة العامة للخدمات البيطرية، في تصريحات للبديل: "لا أعرف أين تذهب لحوم هذه الحمير المذبوحة لكنني لا أستطيع إيقاف التصدير لأنه يدخل عملة صعبة للبلد». وأشار إلي أن هذه الحمير لا تذبح تحت إشراف الخدمات البيطرية.
من ناحية أخري قال الدكتور سامي البساطي، رئيس الجمعية المصرية لعلم الحيوان، إن هذه الكميات المصدرة تثير الشك، فكيف تتم الموافقة علي تصدير أكثر من 4 آلاف قطعة جلد حمير في أقل من شهر وأين تذهب لحوم الحمير المذبوحة، فحديقة الحيوان هي الجهة الوحيدة المسموح لها بذبح الحمير والحديقة لا تذبح أكثر من 10 حمير يومياً، وبالتالي فالمعدل الشهري يقدر بـ 300 قطعة جلد حمير فقط.
وتساءل د. سامي: كيف يعطي رئيس الهيئة العامة للخدمات البيطرية موافقات دون أن يعلم بأماكن ذبح هذه الحمير؟

اللقاء الاول لـ يوسف استيس على قناة الرحمة

السلام عليكم ورحمه الله وبركاته

اللقاء الاول للداعية الاسلامى الامريكى الاصل يوسف استيس

على قناة الرحمة الفضائية

يوم 21/أبريل/2008

و الذى كان قسيسا ثم أسلم على يد مواطن مصرى اسمه محمد عبد الرحمن

http://www.youtube.com/view_play_list?p=7FB467B56627E47B

سلام

لا تخرج من البيت

السلام عليكم ورحمه الله وبركاته
الموضوع ده انا بكتبه نصيحة للناس فى هذه الايام التى لا تملك سيارات

فبعد تطبيق قانون المرور الجديد أصبح وجود مواصلات محترمة أو حتى غير آدمية امر صعب جداً وده امر متوقع طبعاً من كثرة الفهلوية والمخالفين من السائقين وهنحتاج لوقت شوية كزبائن للتاكسيات لحد لما السواقين يوفقوا أوضاعهم واللى مش مطلع رخصة يطلع واللى معاه خاصة يقلبها مهنية والعيال الصغيرة اللى سايقة تاكسيات تستنى شوية لما تكبر .... باختصار لما نبطل عشوائية وفهلوة مصريين

انا بقول الكلام ده لانى امبارح تعرضت لموقف صعب جداً فبعد انا ركبت تاكسى من عند البيت لوسط البلد والله وحده اعلم انتظرنا وقت كبير فى الشارع وكان معاى زوجتى وبنتى (10 شهور ونص ) وكمان أختى وابنها( سنة وكام شهر) وكنا رايحين لدكتورة الاطفال بالعيلين دخلنا حجزنا عند الدكتورة والعيادة مش ممكن كأن مفيش حد من الاطفال سليم الناس مقفله العيادة وواقفين بره على السلالم وكانت الدكتورة لسه جايه وحجزنا وكان رقمنا 37 و38 طبعاً مش هنستنى كل ده قولنا ننزل نصلى العشاء ونتسوق ونرجعلها بعد كده ....

رجعنا بعد ما تعبنا من شيل العيال وبكائهم وشرب العيال ميع علشان العيال عطشانة والجو حر ..... الى اخره

ورجعنا على الدكتورة ولقينا لسه الكشف عند رقم 21 وقبله اتنين الظاهر استشارة فقلنا نمشى دلوقتى ونحجز تانى يوم طلعت الدكتورة اجازة بكرة وبعده والجمعة اجازة فقولنا نحجز للسبت وامرنا لله .... نزلنا شربنا حاجة ساقعة علشان الحر وجبت عصير وبنتى دلقيت العصير كالعادة علىّ وعلى نفسها .... فضلنا واقفين نستنى تاكسى مفيش واحنا على شارع رئيسى قولنا نتمشى شوية عند تقاطع كده مليان اشارات اهو نلاقى تاكسى جاى من اى اتجاه فلقينا الكل بيفكر بنفس المنطق !!! ناس كتير كله عمال يرفع ايده ويصفر ويجرى ورا التاكسيات زى الــــ .....

فضلنا واقفين كتييييييييييييير وعسكرى المرور لمح تاكسى ماشى فاضى راح موقفه غصب عنه لواحدة ست فالست راحت تركب فطبعاً السواق متضايق انها هتركب غصب عنه والست زهقانة من الوقفة فى الشارع هى وبينتها الصغيرة ياعينى .... فطبعاً خناقة بينها وبين السواق .... والسواق يقول هو انا حمار تركب وتقولى حاا وهى تقوله انت سألتنى راحه فين قولتلك ... رديت عليا وبتقولى انت زعلانة ليه ... طيب انت مالك زعلانة ولا مش زعلانة .... وطبعاً وكالعادة الفضوليون والعيال الصغيرة والكبيرة وعسكرى المرور كلهم التفوا حول العربية وبرضوا فى الآخر ركبت الست غصب عنه واخدت رقم العربية معاها احتياطى علشان لو عمل فيها فصل ولا حاجة فى السكة ...

طبعاً انا بعد لما عدى علىّ حوالى 20 دقيقة كنت خلاص هتجنن مريم (بنتى) وعبد الملك (ابن اختى) بكاء مستمر من الحر والكلاكسات والزعيق والخنقة وانا بحاول احل الموقف مش عارف ... كنت بشاور لاى حد واشاور لتاكسيات فى اى اتجاه وبرضوا مش نافع تاكسيات قليلة جداً واللى موجود مليان ناس زى الاوتوبيس .... فربنا الهمنى انى اتصل بواحد صاحبى معاه تاكسى فاتصلت بيه قالى انا جنبك عشر دقائق واكون عندك ... عشر دقائق ربع ساعة وجاء ....

مش هقولكم فرحتى كانت اد ايه ... ولا ضهرى ورجلى كانوا وجعنى اد ايه ...

وكان ميعاد الكشف بتاعنا لو رجعنا للدكتورة ينفع ندخل علطول لاننا اتأخرنا فى الشارع بس لو كنا رجعنا للدكتورة تانى مضمنش صاحبى يرجعلى تانى ففضلنا الرجوع للبيت بكرامتنا أفضل ومش مهم نبقى نروح الصبح نكشف فى اى يوم ومش عارف ازاى هنأجل المرض بس هو ده اللى حصل غصب عنا !!!

سألته هو ايه اللى حصل فين التاكسيات ؟

قالى بص حوالى 30% من السواقين بتوع التاكسيات معاهم رخص خاصة مش مهنية !!! فطبعا سلم العربية لصاحبها وشكراً

وناس تانية الرخص منتهية وناس عربيتهم هى اللى منتهية الصلاحية .... فقالى مش هتلاقى غير العربيات المظبوطة فقط هى اللى ماشية فقلت سبحان الله احنا عايشين فى فوضى وربنا اعلم بينا وبحالنا

امال الناس دى كلها كانت ماشية ازاى لحد 30/7/2008 ؟؟؟؟

طبعاً انا مش ضد الحزم تجاه المخالفين والفهلوية بس يبقى الكل سواسية أمام القانون (ماشى).... بس المشكلة كلها جت على دماغ المواطن كالعادة واترمى فى الشارع لا يجد من يحمله ....

قانون المرور بالنسبة لاصحاب السيارات :- هوريك العين الحمره

قانون المرور بالنسبة للمواطنين :- لا تخرج من البيت

سلام

مـولـد

قضوا حياتهم لذة وطربًا، واتخذوا دينهم لهوًا ولعبًا.

مزامير الشيطان أحب إليهم من استماع سور القرآن.

لو سمع أحدهم القرآن من أوله إلى آخره لما حرك فيه ساكنًا، ولا أزعج له قاطنا.

حتى إذا سمع قرآن الشيطان تفجرت ينابيع الوجد من قلبه على عينيه فجرت،

وعلى أقدامه فرقصت وعلى يديه فطقطت وصفقت،

وعلى سائر أعضائه فاهتزت وطربت،

وعلى زفراته فتزايدت،

وعلى ميزان أشواقه فاشتغلت

.. وما أصدق ما قال الأول:
تلي الكتاب فأطرقوا لا خيفة... لكنه إطراق ساه لاهي
وأتى الغناء فكالحمير تناهقوا والله... ما رقصوا لأجل الله
دف ومزمار ونغمة شادن... فمتى رأيت عبادة بملاهي
ثقل الكتاب عليهم لما رأوا... تقييده بأوامر ونواهي


فيا أيها المفتون، والبائع حظه من الله صفقة خاسر مغبون. هلا كانت هذه الأشجان عند سماع القرآن"؟!!.

ولقد صدق من قال:
حب الكتاب وحب ألحان الغناء .. .. في قلب عبد ليس يجتمعان

ثقل الكتاب عليهم لما رأوا .. .. تقييده بأوامر الرحمن

وللهو خف عليهم لما رأوا .. .. ما فيه من طرب ومن ألحان

==============

طبعاً مش محتاج أقول ان العبارات بالموضوع منقولة

كيفية البحث عن المدونات

السلام عليكم ورحمه الله وبركاته

كنت عاوز اعرف ازاى أبحث عن مدونات فى بلد معينة ولقيت الرابط ده
ممكن تبحث من خلاله على المدونات المكتوبة باللغة العربية مثلا وفى خلال فترة محددة وخلافه
وده بدل ما تفضل تدوس ( المدونة التالية) وتطلعلك مدونات بطريقة عشوائية كده
الرابط هنا

سلام

معندناش سيستم ولا ايه ؟

السلام عليكم ورحمه الله وبركاته
الخبر ده لفت نظرى على موقع مصراوى اليوم لسبب هقوله بعد الخبر:-

تأجيل محاكمة الضابط وأمين الشرطة المتهمين بتسهيل هروب رجل أعمال لخارج البلاد 7/27/2008 8:37:00 PM

الإسكندرية-محرر مصراوي- قررت محكمة جنايات الإسكندرية تأجيل محاكمة مقدم وأمين شرطة المتهمين بتهريب رجل أعمال ممنوع من السفر لخارج البلاد لجلسة 24 سبتمبر لسماع مرافعة الدفاع عن المتهمين وشهود الإثبات.

عقدت المحكمة جلستها برئاسة المستشار محمد ابو المكارم وعضوية المستشارين محمد حمدي واشرف الشوادفي وسكرتارية محمد صالح .

كانت التحقيقات التي اشرف عليها المستشار اشرف حسن المحامي العام الأول لنيابات غرب الإسكندرية قد أكدت قيام كل من المقدم فؤاد وليم وأمين شرطة خميس محمد بمطار برج العرب بالإسكندرية بتسهيل هروب رجل الأعمال عادل جوزيف عادل لخارج البلاد عبر مطار برج العرب رغم صدور قرار من النائب العام بإدراج اسمه بقوائم الممنوعين من السفر لقيامه بالاستيلاء علي حوالي مليار و500 مليون جنيه من عدة بنوك .

وأكدت التحقيقات أن الضابط وأمين الشرطة قاما بإخفاء الكارت المثبت فيه منع رجل الأعمال من السفر مما مكنه من السفر إلي الولايات المتحدة الأمريكية بجواز السفر الأمريكي الذي كان يحمله .

تم ضبط الضابط وأمين الشرطة وأحيلا مع رجل الأعمال للمحاكمة بعد استكمال التحقيقات .

المصدر: وكالة انباء الشرق الاوسط

=====================================

تعليقى هو على طريقة التهريب (بإخفاء الكارت المثبت فيه منع رجل الأعمال من السفر ) وبما انى من بتوع الكمبيوتر والسيستم فهل موضوع الكارت ده يعنى ان الاجراءات تتم يدوياً؟ يعنى مجرد كارت يخفيه ضابط برتبه مقدم وأمين شرطة يتهرب مليار ونص مليون جنيه ؟ طيب ازاى

انا اتخيل كده ان النظام الصح يكون كالتالى ان الاسم الممنوع من السفر بيبقى نازل على سيستم فى جميع المطارات المصرية وعلى كل شركات حجز الطيران تعمل تأكيد قبل حجز تذكرة السفر عن طريق الدخول على الموقع الخاص بالسيستم ده وتشوف فقط هل الاسم ضمن قوائم الممنوعين من السفر ولا لأ ؟ وبناء عليه يتم الحجز من عدمه، وده يبقى اجراء تأمينى فى الدائرة الاولى بحيث لو فرض ان كان فيها ثغرة وتم الحجز فتعاقب شركة الحجز أولاً ويتم الانتقال الى الدائرة التأمينية التالية والخاصة بالدولة نفسها

بحيث ان اسم الممنوع من السفر كل لما يظهر على قوائم المسافرين الى اى بلد يتم رفضه على كل أجهزة المطارات من أول رئيس الميناء الى أقل فرد وياحبذا كمان لو حدث ترابط مع الوحدات التنفيذية والقضائية التى أصدرت قرار منع المذكور من السفر

مع ظهور عبارة

لنعيش عيشة فل لـ نموت احنا الكل ... انت ممنوع من السفر يا حبيبى مصر محتجالك

مش كده برضوا ولا ايه السيستم ....

وللعلم اللى عاوز يعلق على الموضوع يكون بهدوء .... غير كده بلاش

دول العالم الرابع

السلام عليكم ورحمه الله وبركاته

واحد صاحبى قالى ان فيه تصنيف جديد سيتم به اضافة عالم رابع
يعنى تبقى فيه
دول العالم الاول
دول العالم الثانى
دول العالم الثالث
دول العالم الرابع

مش عارف الخبر صحيح ولا لأ ؟
ولو صحيح طيب تفتكروا مصر هيكون لها نصيب فى العالم الجديد ؟
طبعاً محدش يفكر اننا هنطلع
احنا لو فضلنا ثالث يبقى كويس
على رأى الخيبانين كويس اننا مش فى المركز الاخير

ضربتو بالشبشب راح ضربها بالكوتشى

السلام عليكم ورحمه الله وبركاته

امبارح كنت راكب تاكسى وكان راكب جنبى واحد على يمينى وواحد فى الكرسى الامامى وسواق التاكسى
وقفنا فى اشارة فالراجل اللى جنبى كان عاوز ينزل فى الشارع المجاور للاشارة ففتح الباب مرة واحدة علشان ينزل من غير ما يبص وراه فطبعاً جت عربية بيجو 7 راكب ملاكى ودب خبطت فى الباب اللى اتفتح !!!!!
وكانت العربية يقطنها واحد اسمرانى كده ورفيع ومعاه واحدة ست وولد صغير
فالراجل اللى جنبى غلطان طبعاً لان أبسط حاجة كان يعملها انه يبص وراه قبل ما يفتح الباب فقولت هينزل يعتذر ولا يقول كلمة حلوة تهدى الراجل بتاع البيجو .........
لأ ازاى لازم فهلوة المصريين نزل وخدوهم بالصوت بعد ما بص بصة كده على العربية كويس وشاف ان فيها راجل واحد
الراجل بتاع البيجو بيقوله بكل أدب وصوت واطى وهادى كده هقولك ايه بس ولا اعملك ايه ؟ ومتأثر قوى وهو بيقولها وتحس كده انه غلبان ومفوض امره لله وخلاص ( قدر الله وماشاء فعل )
راح الغلطان اللى جنبى بزعيق وصوت عالى شوية وبعنف قاله تعملى ايه يعنى ايه عاوز تعمل ايه انت اللى جاى بسرعة وفتح الباب وبقى نصه بره فى الشارع وسايب رجله الشمال معايا فى العربية كده وعمال يشوح كأنه مش غلطان راح السواق بتاعنا لف له وقاله انت بتقوله جاى بسرعة ازاى يا بنى ادم والاشارة مقفولة انت اللى كان لازم تبص وراك وانت اللى غلطان
فبكل بجاحة قالوا لا انا بصيت وهو اللى كان جاى بسرعة والحقيقة انا كنت قاعد جنبه ومشفتوش بص ولا لأ ؟
فالناس سكتتهم هما الاتنين والاشارة فتحت والكلاكسات اشتغلت كأنها بمب العيد كل واحد ايده على الكلاكس مش راضى يسيبه كأنه لزق فى ايده
طبعاً انا قولت الموضوع خلص والناس سكتت الاتنين والراجل اللى جنبى لسه سايب رجليه جوه العربيه والكوتشى فيها منورها
-------------------------------------------
فاصل قبل المعركة
------------------------------------------
راحت الست البيجو
قصدى اللى كانت قعدة جنب الراجل فى العربية البيجو استلمت دور البطولة وابتدت هى تتكلم وياريتها كانت قعدت ساكتة ياريتها
عارفين لما تكون نار خمدت خلاص وخلاص هتطفى اهى خلاص ثوانى وتخلص
وانت تروح جايب بنزين وتحطه فوقيها اهو ده اللى حصل .... الست ولعتها لما لقت الراجل اللى كان معاها لم الموضوع
قالت للراجل الغلطان دى طبعا بعد لما نزلت من العربية ولفتله واخدت وضع استعداد وتشكيل هجومى ولا أروع من كده
قالتله ان بقى اللى هروح معاك فى اى خراراة تاخدك (خرارة = مصيبة ) ده احنا لسه مصلحين العربية
قالها تصدقى بقى انت ست مش تمام
قالتلوا انا مش تمام يا ............................... ويا ........... ويا .................................
ده انا هطلع دين .....................
قالها انتى هطلعى دين .....................
تصدق بقه انت راجل مش تمام لما تخلى الست اللى معاك هى اللى تتكلم وانت واقف كده ( ده الغلطان بيقول للراجل البيجو )
راح واحد بن حلال وقف بينها وفضل يهدى فيهم تانى راح الراجل الغلطان اخيراً طلع رجله الشمال من العربية ورجع للوراء شوية واخد وضع الاستعداد راحت الست قالتله انا اللى هضربك يا ......................
وراحت لفت لفة كاملة بسرعة شديدة الدوران حول العربية اللى انا فيها وقلعت الشبب وهى بتجرى عليه وهب
راح هو كمان قلع الكوتشى اللى كان فى رجله وهب
وهب
وهب
الراجل البيجو والراجل الغلطان والست ام شبشب متعرفش مين بيضرب مين

بصراحة كتر الف خيرك يا بنزين
قصدى
ياست

وطبعا العربية اللى انا فيها تم احاطتها من جميع الجهات بعيال صغيرة وعيال كبيرة ومحبى المصائب وشباب البلوتوث وكاميرات الموبيل والفضوليون وسواقين التاكسيات الخ الخ الخ وانتوا عارفين بقى المصريين والاشارة اتقفلت طبعاً والكلاكسات اشتغلت تانى
والعيال الصغيرة عمالين على صوت الكلاكسات يغنوا ويطنططوا وهوا هو وهوا هو
وهوا هو وهوا
هو وهوا هو وهوا هو
وكل لما واحد يشوف واحد فى الخناقة يقوله فيه ايه يلا مين بيتخانق معاك يقولوه مش انا ده واحد بيتخانق مع واحده ست
بس والناس سكتتهم وخلصت
------------------------------------
فاصل بعد المعركة
-----------------------------------
هى لو الست لو (لو يعنى ) سكتت كان حصلها حاجة !!!
صحيح هى ضربتوا بالشبشب بس هو برضوا ضربها بالكوتشى والراجل اللى كان معاها اخد كام بوكس وضربلوا كام بوكس وبعدين برضوا اتلمت ومشيوا !!! يعنى مكنش ينفع من الاول يا بنزين ....

ونستفيد من هذا الموضوع :-

• لما تيجى تنزل من العربية بص وراك الاول لمصلحتك ومحدش عارف البلد مليانة شباشب
• لما تركب عربية بيجو ما تركبش ستات معاك ولو ركبت ابقى طلع لسانها واربط عليه حزام الامان
• لما تلاقى الاشارة حمرا متوقفش احسن حد يخبطك من ورا امشى علطول وادعيلى ... ومتوقفش فى مزلقان فى مرسى مطروح أبداً
• لو انتى ست أحسن حاجة تعمليها فى المواقف دى تسكتى وتهدى جوزك وتدعي لجوزك ان الشيطان ميسطرش عليه
• الشبشب بيوجع اكتر من الكوتشى بكتييييييييييير يا رجاله ...... كان واضح على الراجل الغلطان كده
• اول لما تلاقى زوجتك ابتدت تكلم فى الخناقة سكتها ولم الموضوع وامشى لان كل الناس هتغلطك

نصيحة بجد بقى:-
قل أعوذ بالله من الشيطان الرجيم وربنا ان شاء الله باليقين هيرفع الغضب والشيطان عنك
كما بين النبى صلى الله عليه وسلم

نصيحتى لبنات مصر

لعبة ذكاء يابانى أصلى

السلام عليكم ورحمه الله وبركاته

جايبلكوا النهاردة
لعبة ذكاء تستخدم فى اختبارات الذكاء فى اليابان ( اليابان ها ) عند التقدم للوظائف او فى الدخول للجامعات
وتستخدم بشكل كبير فى مجال تكنولوجيا المعلومات او حقل IT
ويتم حل الاختبار ده فى ربع ساعة تقريباً
والاختبار عبارة عن 8 أشخاص على ناحية من النهر المطلوب من سعادتك تعديهم الناحية التانية من النهر ولكن بالاشتراطات التالية:-

1. شخصين فقط يمكنهم العبور فى المرة الواحدة
2. الاب مينفعش يقعد مع البنات الا فى وجود الام !!! ( أزمة ثقة مش اكتر ولا أقل )
3. الام متنفعش تقعد مع الاولاد الا فى وجود الاب !!! ( واحدة بواحدة )
4. البنت الحرامية مينفعش تقعد مع اى حد من الاسرة الا فى وجود الظابط ( يمكن علشان متفسدهموش )
5. اللى ينفع يسوق المركب هو الظابط والاب والام ( تحكمات الكبار مع ان المركب بيمشى لوحده )

اضغط على الشخص اللى عاوزه يركب وبعدين اضغط على الدائرة الحمراء لتقوم بتحريك العبارة
واوعى تغرق
ومتنساش حزام الامان
والصندوق الاسود بيسجل كل حاااااااااااااااااااجة

ملحوظة :- لازم يكون عندك اوفيس لان اللعبة معمولة على ملف اكسيل
حمل اللعبة من هنا
ها حد حلها
سلام

بست بست ... ارفع بنطلونك شوية !!!

السلام عليكم ورحمه الله وبركاته

هو موضة انك تلبس بنطلون وسطه ساقط علشان لامؤاخذه يبان ؟؟؟
بشوف شباب كتير لابسين بناطيل مهرهرة خالص وشوية وهتقع من على وسطه
وكل شوية يرفعها علشان يدارى لا مؤاخذه
ويفضل يشد فى البادى القصير برضوا يعنى بيشد من فوق ومن تحت علشان يدارى لا مؤاخذة
طب وعليك بايه ياعم الهم ده كله
دى موضه دى

مش عارف ليه حاسس انها موضة ناس لامؤاخذة شواذ جنسياً يعنى موضة منحرفة خلقياً وأنت راجل ومش بتاع كده صح ؟

البس بنطلون محترم وشكله حلو والبس بادى طويل وشكله حلو برضوا
صدقنى مش حتستفيد حاجة ان اى حد يشوف لا مؤاخذة ولا حد عاوز يشوف لا مؤاخذه

حتستفيد ايه لما تدخل تصلى لله عزوجل وتفضل طول الصلاة عمال تشد حبه فوق وحبه تحت وبدل ما تحط ايدك اليمنى فوق اليسرى على صدرك
تحط اليمنى واليسرى على البطلون لا يقع ولا حاجة وتفضل مكسوف ان مؤخرتك بتبان بداياتها وتشك فى صلاتك صحيحة ولا غير صحيحة
طب وعليك بايه ياعم الهم ده كله
انا فاكر ان أول بنطلون شوفته فى حياتى بالشكل ده كان على اتنين شباب كانا من ألبانيا كانا معانا فى جامعة حلوان سنة 97 او 98 وكانوا مسلمين بس شكلهم ساعتها كان فظيع ...
وكان فيه بنت فى الدفعة كل لما تشوفهم تقولهم بست بست أرفع بنطلونك شوية !!!!!!!!!!!!


واحد صحبى طبيب وأبوه دكتور جامعة قالى انه سأل أخوه (ثانوية عامة) هو بيشترى ملابس داخلية ملونة ليه (بوكسر) قالوا علشان أجيب بنطلون من اياهم ويبان البوكسر على الموضة ......
يعنى الموضوع بجد مقصود واللى بيعملوا عارف كده كويس لامؤاخذه
أعتبر الكلام ده من أخ
أعتبروا مرايتك وشاف فيك حاجة غلط وبينبهك ليها ومتخليش الشيطان يدخل بيننا
وربنا يهدينى واياك

تحديث للموضوع بتاريخ 17-7-2008
انا كنت بعمل بحث علشان اجيب صور للبنطلونات دى بس فوجئت بحاجة ان فى بلد فى احدى ولايات لويزيانا الامريكية
ايوة الامريكية
منعت البناطيل دى بقانون مش شفوى كمان
وادى نص الخبر
وبدأت محاولات منع هذه البناطيل من الشوارع تجتاح عدداً من المدن، إلى حد أن إحدى البلدات في ولاية لويزيانا
قررت حبس من يرتدي "البنطلون الساحل"، الذي يظهر الملابس الداخلية التحتية، مدة ستة شهور وغرامة قدرها 500

دولار، وفقاً للأسوشيتد برس

وهناك محاولات لفرض مثل هذه العقوبات في مدن أخرى، ففي ترينتون بنيوجيرسي، فالقبض على من يرتدي
هذا النوع من الأزياء يعني دفع غرامة كبيرة إلى جانب القيام بأعمال لخدمة المجتمع، كمساعدة عمال الخدمات
ونقل القمامة

وقالت عضو المجلس البلدي في ترينتون، آنيت لارتيغ، متسائلة : "هل هم موظفون؟ هل يحملون شهادة الدبلوما؟
إن القرار طريقة رائعة لإعادة توجيههم إلى الطريق الصحيح.. والرسالة واضحة : نحن لا نريد رؤية خلفياتكم!"

يشار أن الاعتقاد السائد هو أن هذه الموضة بدأت في السجون، حيث لا يُسمح بإعطاء السجناء حزاماً مع البنطلون
الواسع والفضفاض لمنع السجناء من الانتحار أو ضرب زملائهم.
انتهى الخبر
واحنا فى بلاد عربية اسلامية محدش حاول يفتح فمه بكلمة عن هذه البناطيل القذرة
يعنى لو مكنش من ناحية الدين
يبقى على الاقل من ناحية الرجولة والاخلاق والحياء
وبعدين يقولوا النقاب مش من الدين ....... هههههههههههههههههههه
يعنى تستروا نفسكم مش هنسبكوا وهنفضل نهاجمكم ونتكلم عنكوا
اما لو تتعروا وتبينوا ملابسكم الداخلية وأشياء اخرى نسبكوا فى حالكوا ونغض الطرف عنكم
حكم

هو فيه حد ممكن يعمل كده ؟

السلام عليكم ورحمه الله وبركاته
هو فيه حد ممكن يعمل كده ؟

انا شفت الصورة دى فضلت أضحك وأستغرب
بس قلت طالما جت فى دماغهم
يبقى فى حد عملها قبل كده

اتفرج واحكم بنفسك !!!

جودة خدمات المحمول عن الربع الأول من العام 2008

السلام عليكم ورحمه الله وبركاته
جودة خدمات المحمول عن الربع الأول من العام 2008


قام الجهاز القومى لتنظيم الاتصالات بالإعلان عن نتائج قياسات جودة آداء شركات المحمول عن الربع الأول للعام 2008 ، ويقوم الجهاز بهذه القياسات بشكل دورى للتأكد من مطابقة الخدمات للمعاير و المقاييس المقررة من قبل الجهاز .
وتمثل قياسات جودة الخدمة تفعيلاً لدور الجهاز الرقابى ، و تأكيداً على دعم الجهاز لسياسات المنافسة الحرة والشفافية . ويقوم يتنفيذ تلك القياسات الميدانية فريق متخصص من خبراء ومهندسى الجهاز و تشمل المناطق المحددة بالتراخيص الممنوحة لشركات التليفون المحمول فى أوقات الذروة و على مستوى الشوارع الرئيسية و الفرعية و خارج الكتل الخراسانية .
وقد اشتمل التقرير على قياسات فى خمسة أقاليم رئيسة هى : القاهرة ، الأسكندرية ، اقليم القناة ، أقليم الصعيد، أقليم الدلتا ، فى محاولة لوضع صورة واضحة أمام المستخدم عن جودة الخدمات المقدمة من شركات المحمول المصرية .
ويهدف الإعلان عن هذه التقارير الى تحفيز الشركات من أجل تحسين الخدمات المقدمة للمستخدم ورفع كفاءتها وهو ما يصب فى النهاية فى صالح المستخدم بشكل خاص و السوق المصرية بشكل عام .
جدير بالذكر أن الجهاز يحرص على تطوير قدراته التقنية بشكل دورى و بصورة تتوائم و الطفرات التكنولوجية العالمية وهو ما يسمح

له بالقيام بمثل هذه القياسات بشكل دورى ودقيق

القاهرة - الاسكندرية - القناة وسيناء - الصعيد - الدلتا

القياسات على الرابط التالى:-

http://www.4shared.com/file/53829561/e4ff5df0/Ntra.html

تصوير محاولة انتحار مواطن مصرى

السلام عليكم ورحمه الله وبركاته
الصور دى استلمتها من مجموعة البركان على ياهو وهى تصوير لمحاولة انتحار شاب مصرى فى دبى


وصاحب الموضوع كاتب هذا الكلام تعليقاً على الصور


" مد له يده بـ 1000 درهم فغير رأيه
انتحار في دبي
اليوم واحد من الاخوه العرب { المصريين} بغى ينتحر
ووقف على طرف عماره أمام ديوان الحاكم في دبي لكنتدخل الظابط الشجاع سعيد بن دلموك من شرطه دبي
وأقنعه بالعدول عن الانتحا ر والنزول…صدق أنقذ حياته والله الواحد يفتخر
بأنه في ناس ماتقصر في شغلها"

اليوم 13-12-2008
أخ بعث لى تصحيح للخبر انه الشاب جنسيته سورى والخبر نازل على موقع محيط

لقاء يوسف استيس الثانى ع قناة الرحمة

السلام عليكم ورحمه الله وبركاته
لقاء يوسف استيس الثانى على قناة الرحمة الفضائية كاملاً على اليوتيوب

http://www.youtube.com/view_play_list?p=B789CF2DF74DF4F4

عندما يكون الفنان فيلسوفاً

السلام عليكم ورحمه الله وبركاته
مجموعة صور وصلتنى من مجموعة بركان على ياهووو و
من الاستاذ/ طارق فاروق عجبتنى جداً أفكارها وقلت نشوفها سوا
بعنوان :-
عندما يكون الفنان فيلسوفاً