السلام عليكم ورحمه الله وبركاته
فى حاجة مخنوق منها جداً واى واحد هيلاقى نفسه كده برضوا بس محدش كتير فكر فيها
ناس من قلة دينها وقلة أدبها مع الناس كلها لما تحب تعرفك أنه مبيهموش حد ولا عامل اعتبار لحد وممكن يقولك أكثر الشتائم قذارة عند اى احتكاك معه ويطلعلك حاجات من الصندوق الاسود اللى جوه قلبه يقوم يعمل ايه ؟
يسب الدين ............
أو يفجر أكثر ويسب الخالق عزوجل سواء لفظاً صريحاً
أو سوء أدب مع الله بلفظ كأنه يتحدث عن بشر
وبصراحة أقف عاجز عن وصف حالى عند سماع ذلك فى أى مكان أحيانا أستطيع الامر بالمعروف والنهى عن المنكر وغالباً أخرس ولا أفعل شيئاً غير رفض ذلك بالقلب
وكلكم تعرفون أن فيه مدون مثلاً سب شيخ الازهر ورئيس الجمهورية واتحبس أو دفع غرامة حاجة زى كده
والصحفيين اللى شتموا شيخ الازهر نفس الكلام
واللى طلعوا اشاعة على رئيس الجمهورية ( مجرد اشاعة ) نفس الكلام
فلما شفت واحد سب الدين على المدونة بتاعته فأخدت برنت سكرين من المدونة علشان تبقى دليل وصورتها بالفيديو كمان
وعملت موضوع على منتدى وحطيت لينك للملفات الصور والفيديو وهى حتى الآن معايا وكنت نفسى اى محامى يتبنى الموضوع ده ويرفع قضية بس مفيش حاجة حصلت كل التعليقات كانت سلبيه زى ربنا يقطع ايده إلخ الخ ....
وقابلت محامى كبير فى محافظتى وقلت له هل هناك عقوبة لسب الدين قالى طبعاً أمال ايه فقولت له أمال ايه اللى بيحصل ده فى الشوارع وفى أماكن كثيرة
فقالى العقوبة دى عمرها ما طبقت على اى واحد على حد علمه !!!!
فقولت له يعنى ايه قالى لو اى واحد اخد اتنين يشهدور شهادة زور بأن فلان ده شتمنى هتتعمل قضية سب وقذف وتتبهدل فيها
قلت تمام طيب ليه الموضوع ده لا يتم تنفيذه فى سب الدين ؟
فسكت وقال هى بلدنا كده مبقتش طايقة الدين والحال كله بقى مايل
وانا لسه عندى أمل ان فيه حد ممكن يعملها
لو مش هيخلص النية لله وحده ويعملها
أهو ممكن يرفع قضية زى دى علشان يشتهر وما أكثرهم
كل لما اتكلم مع نفسى فى الموضوع ده افتكر الآية الكريمة
إن الله يدافع عن الذين آمنوا
وأشعر بالندالة والخسة
ومش قادر أكمل كتابة........................................................................................................................................................................................................................................................
ليست هناك تعليقات:
إرسال تعليق